جېنىم سېنى سۆيىمەن دىلدىن

  ھوشۇر ئ‍امىرجان ئ‍اتەشى تاجىك

ھەۋەس قىلما ئ‍ۆزگە  - بۆلەككە ،
جېنىم سېنى سۆيىمەن دىلدىن !
ئ‍ۇتنى سالدىڭ مەجرۇھ يۈرەككە ،
جېنىم سېنى سۆيىمەن دىلدىن !

ھېچكىمدە يۇق سەندە بار پۇراق ،
ھېچكىمدە يۇق سەندە بار سىياق.
سەن زېمىنغا كەلگەنسەن ياياق ،
جېنىم سېنى سۆيىمەن دىلدىن !

سەندىن ھۇزۇر ئ‍الىدۇ كۈنمۇ ،
رەشىك ئ‍ۇتتا كۆيىدۇ تۈنمۇ .
سەنسىز تىلىدىن چىقمايدۇ ئ‍ۈنمۇ ،
جېنىم سېنى سۆيىمەن دىلدىن !

سەن بولمىساڭ ئ‍ىلامىم نەدە ؟
سۈرەتتەك  پاك  ئ‍ارمىنىم نەدە ؟
يازارغا شېئىر -داستانىم  نەدە ؟
جېنىم سېنى سۆيىمەن دىلدىن !

سەن بار ھايات  چۈشتەكلا گۈزەل،
تەلپۇنىدۇ ساڭا ئ‍اسمان -يەر  .
سۆيگىن ، سۆيەي كۆز يۇمغان قەدەر،
جېنىم سېنى سۆيىمەن دىلدىن !

بىلسەڭ تاڭمۇ سېنى دەپ ئ‍اتتى ،
ئ‍ايىغىڭدا سىر -تۇپراق ياتتى .
سۆيگۈم سەندە ۋەسلىنى تاپتى ،
جېنىم سېنى سۆيىمەن دىلدىن !