ھۆرمەتلەيلى دېھقاننى

مەمتىمىن تۇرسۇن

شۇ دېھقان بولمىسا قانداق قىلارمىز،

 ياشاشقا ئاش-ناننى نەدىن تاپارمىز.

 بولمىسا گەر دېھقان رېئال دۇنيادا،

 ھەممە تەڭ يىلاندەك ئىڭراپ ياتارمىز .

ئىسسىق جۇدۇنلار سۆڭەكتىن ئۆتسىمۇ،

 شۇ لايىق ئەجرىگە ھۇسۇل ئالسىمۇ .

ئەكسىچە ھۇسۇل يوق جاپا تارتسىمۇ،

 شۇ دېھقان ۋايسىماس ئاچ-توق قالسىمۇ.

 دىلىدا بار ئۇنىڭ پاك ھەم ساپ نىيەت،

 تارتسىمۇ كۆپ جاپا قىلمايدۇ مىننەت.

 ئەل ئۈچۈن ھەردايىم سۇنىدۇ نىئمەت ،

جاپاكەش دېھقاننى قىلايلى ھۆرمەت .

ھۆرمەتلەيلى دېھقاننى دېھقانمۇ ئادەم ،

دېھقانسىز بۇ ھايات ھەر كۈنى ماتەم.

 شۇ دېھقان بولغاچقا ئۇشبۇ دۇنيادا،

 بولىدۇ ھەممىگە ھەر كۈنى ئايەم .