يىڭى يىلدا يىڭىچە ياشاڭ

*

ئابدۇللا تۇرسۇن ئەرەن

*

يىڭى يىلمۇ كىرمەكتە مانا،

يىڭى يىلدا يىڭىچە ياشاڭ.

ئىجتىھاتلىق بولۇپ ھەم يانا،

يىڭى يىلدا يىڭىچە ياشاڭ.

*

كەچۈرۋىتىڭ ئەلەم قىلغاننى،

بىلىپ—بىلمەي يۈرەك تىلغاننى.

چۆرىۋىتىپ قايغۇ پىغاننى،

يىڭى يىلدا ئەپۇچان ياشاڭ.

*

رەنجىتكەننى كۆڭۈلگە ئالماي،

قەلبلەرگە شۈبھىلەر سالماي.

ئاچچىغلىسا سىزمۇ تەڭ يانماي،

يىڭى يىلدا كەڭ قورساق ياشاڭ.

*

يوقلاپ تۇرۇڭ ئاتا— ئانىنى،

سىزگە بەرگەن ئۇلار بارىنى.

پىدا قىلدى ئەزىز جانىنى،

يىڭى يىلدا ۋاپادار ياشاڭ.

*

ھۆرمەت قىلىڭ تىلەڭ ئامانلىق،

باشقىلارغا قىلماڭ يامانلىق.

چۈنكى ئۆمۈر ئازدۇر ساناقلىق،

يىڭى يىلدا ئىبرەتلىك ياشاڭ.

*

ياخشىلىقنى ئايىماي قىلىڭ،

باشقىلارغا مېھىرلەر بىرىڭ.

كۆڭۈللەرگە گۈللەرنى تېرىڭ،

ھەر دائىما مۇشۇنداق ياشاڭ.

*

2016 ــ 12 ــ 28 ــ كۈنى