بايرام قەدرى
ئادىل ئابلىمىت ( يادىكار )

بۈگۈن بايرام ،بۈگۈن نورۇز ھەممىگە ،
تالاي قەلىب شادلاندى خۇش ئېھتىمال .
بارچە چىراي تەبەسسۇمدا ئ‍ۆتسە گەر ،
بۇ دىلىم غەمگە پاتتى بولماي خۇشال .

بايرامنى تەبرىكلەپ ئ‍ۆتكۈزمەك بولۇپ ،
جەم بولدۇق سورۇنغا ئ‍ېسىل پاقىراپ .
يېيىشتۇق ،ئ‍ىچىشتۇق ،ئوينىدۇق راسا ،
قىزىتتۇق سورۇننى بەك تازا ۋاقىراپ .

ئوبدانلا قىززىدى سورۇنىمىز ئ‍اخىر ،
يۈزلەر قىزىرىپ خۇمارلىشىپ كۆز .
گۆلىيىپ ،ھومۇيۇپ ،قىلىشىپ خىرىس ،
تۈگۈلدى مۇشتلار ،چىقىپ رەسۋا سۆز .

ئ‍ارىدا ئىككىسى كەتكەچ ئ‍ۇرۇشۇپ ،
ئ‍ۆرۈلدى ئ‍ۈستەل ،سۇندى ئ‍ورۇندۇق .
ئ‍اجرىتىشقا كىرىشكەن ئ‍ارىچىلارمۇ ،
مۇكاپات ئ‍ېلىشتى ، قالمىدى قۇرۇق .

ئ‍ارىچىغا زادى ئ‍التە تاياق راست ،
ئوبدانلا تەگدى يۈزلىرىمىزگە مۇشت .
مەستلىك پەستلىك دېمىدى ياكى ،
سەن ماڭا ئ‍ەزەل ئ‍ىدىڭ ياخشى دوست .

ئ‍ۇنتۇلدى بۈگۈننىڭ خاسىيەتلىكى ،
يېرىلدى قاپاق ،ئ‍اقتى قىزىل قان .
بولدى ئ‍ۈستىباش قۇسۇقتىن رەسۋا ،
بۇلغاندى ھەممە ،ھەممىسى تامان .

ئ‍ىست نورۇزۇم ،ئ‍ېسىل ئ‍ەنئەنەم ،
ئ‍ىسىت ،جان ئ‍انام كىيدۈرگەن دوپپا .
ئ‍ىسىت ،ئ‍وخشىغان شۇ نورۇز ئ‍ېشى ،
ئ‍اھ ،ئ‍ەمدى كىمدىن مەن بولاي خاپا .

  2017 -يىل  21 - مارت  نورۇز كېچىسى  

ئ‍ادىل  ئ‍ابلىمىت (يادىكار ) ئاقسۇ  ئ‍ايكۆل