سەن ئ‍ىدىڭغۇ تېخى بىر غۇنچە

 ئ‍ەسقەر قۇربان

 ( مەرھۇم دوستۇم غۇنچەمنىڭ ۋاپاتىغا بېغىشلايمەن )

 سەن ئ‍ىدىڭغۇ ئ‍ىسمىڭغا لايىق،

ئ‍ېچىلمىغان تېخى بىر غۇنچە.

 ۋاقىتسىزلا توزۇپ كەتتىڭغۇ،

نادامەتتە قالدۇرۇپ شۇنچە.

 يەتكىنىدە ئ‍اشۇ شۇم خەۋەر،

 سوقۇپ كەتتى يۈرەك رېتىمسىز.

ئ‍ەسلىمىلەر قوينىدا يۈرۈپ ،

 دۇنيا ماڭا بىلىندى رەڭسىز. 

 ھايات يولۇڭ شۇنچە قىسقىمۇ،

كەتتىڭ بىزدىن تېزلا ئ‍ايرىلىپ.

ناۋاقىلماس ھەتتا قۇشلارمۇ ،

 گۈل شېخىدا غەمكىن قارىشىپ. 

 سۇكىناتقا پاتتى ھەممە جاي،

 يۈرەك باغرى كەتتى ئ‍ېزىلىپ.

 ئ‍اڭلىنىدۇ مۇڭلۇق بىر غەزەل ،

 ئ‍استا -ئ‍استا گۇگۇمنى ئ‍ېلىپ.

مەنبە:( كۈندىلىك خاتىرەمدىن ئ‍ېلىندى)

 2014.3.4