يېڭى يىلدا قانداق ياشايمەن ؟!

يۈسۈپجان سايرامى     ( زىنھار  )

يېڭى يىلدا قانداق ياشايمەن ؟!
يېڭىچە ياشاش ئۇنتۇشمۇ ئىزنى .
كەلدى ئۆلۈم بىر يىل يېقىنلاپ ،
قانداق ئۆتكۈزەي مەن بۇ يىلنى ؟!

يېڭى يىلدا قانداق ياشايمەن ؟!
يول تاپتىممۇ مەزمۇت ماڭالىغۇدەك .
ئىزىپ كەتمەي چىغىر يوللاردا ،
نىشان بارمۇ كۆزلەپ بارالىغۇدەك.

يېڭى يىلدا قانداق ياشايمەن ؟!
ئۆتمۈش بولدىمۇ ماڭا بىر ساۋاق.
ئەجىر سىڭدۈرۈپ تەرلەر ئاققۇزۇپ ،
ئېرىشكەنلىرىم بولدى قانداقراق ؟!

يېڭى يىلدا قانداق ياشايمەن ؟!
كۈلدۈم يىغلدىم ئۆتتى كۈنلەر.
ئۈمۈد بىلەن باقتىم ھاياتقا ،
ماڭالىدى قول تۇتۇپ كىملەر  .

يېڭى يىلدا قانداق ياشايمەن ؟!
ئىبرەت بولدى يەنە نىملەر .
ئالدىم ھاياتتىن قانداق دەرس ،
ئۈلگە بولدى ماڭا كىملەر  .

يېڭى يىلدا قانداق ياشايمەن ؟!
باقىۋەندىمۇ ئاتا-ئانا بىزگە .
رازى قىلىڭ ئاۋال ئۇلارنى ،
يېڭچە ياشاش بولسۇن سىزگە .

2016-يىل 12-ئاينىڭ 31-كۈنى ( كېچە )
##ئاپتۇر ئەمگىكىگە ھۆرمەت قىلىڭ ##