تۇرنىلار
رەيھانگۈل راشىدىن ( سەلكىن )
سۈزۈك بۇلاق لىۋىدە
سۇ ئىچىپتۇ تورنىلار ،
ئۇچۇپ كەلگەن جەنۇبتىن
يىراق ئۇلار ھىيلىدىن.
مەن دادامنىڭ ئۆز ئەكسى
خىزىر سىياق كونىلار.
تورنىلارغا خەت يازدىم
تېزدىن كېلىپ كۆرۈڭلار ،
قۇمۇش بەللەك جانانلار
تولۇپ كەتتى ئاسمانغا.
دادام سۆزلەر ھېكمەتتىن
رەزىل نىيەت ئوغرىنى ،
دۇمبالاڭلار ئۇرۇڭلار .
مۇھەببەتلىك تورنىلار
ئېلىپ كەپتۇ سالامنى
دېڭىزلاردىن تاغلاردىن .
مەن سىياقتا سۆزلەيدۇ ،
دەرەخ شېخىدا ئۈنلەيدۇ،
يورۇق قىلار پەيلىرى
قۇم- بورانلىق كۈندۈزنى .
ئانام ئېيتقان تورنىلار ،
دادام ئېيتقان تورنىلار ،
بوۋام ئېيتقان چۆچەكتە ،
ئەكىس ئەتكەن تورنىلار .
ئېلىپ كەلسە يامغۇرنى ،
مەن چۈشەرمەن ئۇسۇلغا
كۈندە چۈشكەن پەدىدە.
تورنىلارغا دەپ قويدۇم
ئۆلۈپ كەتسەم ناۋادا ،
مېنى ئېلىپ كېتىڭلار،
تىرىلسەم مەن ناۋادا ،
سۆزلەي ئۇلار تىلىدا .
بۈگۈن كېچە بۇزلۇپتۇ
شالغۇت سىياق چۈشلىرىم ،
تورنىلارنى كۆردۈڭمۇ ،
مەن غېرىبنى سۆيدىڭمۇ،
دادام بەرگەن قەغەزگە
ئۆز ئىسمىڭنى يازدىڭمۇ .
بالام مېنىڭ ئۈمۈدۈم
تورنىلارغا ئېسىلدىم ،
مېنى ئېلىپ كېتىڭلار !
ھېكايەمنى سۆزلىسەم ،
بىر رەت ئاڭلاپ كېتىڭلار !
77 قېتىم كۆرۈلدى | 101520 | ئەسەر يوللىغۇچى : | |
2016-12-8 0:03:57 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|