ھەي نادان

بۇخەلچەم ھۈسەن (پىنھان )

ئ‍ازاپسىز شۇ كۈنلەر كېلەرمۇ قايتىپ،

 پەرىشان دىل -كۆڭۈل ، جانسىز تەنلىرىم.

ئ‍اھ ئ‍ۇرۇپ يۈرىمەن يىگانە - غېرىپ ،

 ۋاقىتسىز ئ‍اقاردى قارا چاچلىرىم .

 ئ‍ىنتىلگەن بەخىتلىك ، ئ‍ىللىق ئ‍ائىلەم ،

تەگدىمۇ ياكى كۆز ، ئ‍ۇردىىغۇ ئ‍ۈششۈك.

مۇزلىدى يۈرىكىم ، كىرپىكلىرىم نەم ،

گۈلزارلىق بېغىمنى باستى تىكەنلىك.

ۋاپانى بىلمىدىڭ ، ئ‍ازدىڭ ھەي نادان،

 شەيتانلار يولىغا باستىڭ چوڭ قەدەم .

يوللىرىڭ قىيالىق ، ئىگىز ھەم داۋان ،

سورىقى ۋىجداندا تۇتارسەن ماتەم!...