كۆردۈم سىنى يەنە نىگارىم بۈگۈن
كۆردۈم سىنى يەنە نىگارىم بۈگۈن،
يىغا ئولاشتىغۇ شۇئان قەلبىمگە.
ئۆرتەندى يۈرۈكۈم ئاچچىق ھەسرەتتىن،
بەك ئازار بەرگەنتىڭ نازۇك كۆڭلۈمگە.
جۈپ كۆزلەر ئۇچراشقان ئاشۇ دەقىقە،
تولغاندى يۈرۈكۈم ئەلەم دەستىدىن.
قالغاچقا قەلبىمدە گۈزەل ئەسلىمە،
بويسۇنماس ئۆزۈمگە كۆڭلۈم ئەزەلدىن.
مەن سىنى سۆيىمەن دىگەنتىڭ ماڭا،
ئىشەنچ ھەم ساداقەت بولمىدى بىراق.
جۈپ-جۈپلەپ يار تۇتتۇڭ چىداپ ۋىجدانىڭ،
چەكتىمغۇ سەن ئۈچۈن ئۆچمەس دەرت-پىراق.
يار سىنى سۆيگەنىم بولدىغۇ گۇناھ،
خارلاندى ئەقىدەم توزىدى گۈلۈم .
سۆيمىسەڭ مەيلىتى سۆيۈپ ئالدىدىڭ،
ھىجراندا ئۆتتىغۇ بۇ ھايات يولۇم .
سۆيمىسەم بوپتىكەن ئەسلى مەن سىنى،
بىلسەم ئىدىم ئازابىڭغا قالارىمنى .
سۆيەتتىم گۈل قىلىپ قىسقان شۇ يارنى،
نە قىلاي سەن يۈتتۈڭ نەۋ باھارىمنى.
مۇھەررىر: ئابدۇقەييۇمجان ئابدۇسادىرى
ئۈندىدار :2041420589
| 51 قېتىم كۆرۈلدى | رەناگۈل ئوسمان | ئەسەر يوللىغۇچى : | |
| 2017-6-12 11:17:57 | :يوللانغان ۋاقتى | ||
بۇ تېمىغا تېخى ئىنكاس يېزىلماپتۇ
|
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
 |
