كۆزلەر سۆيىدۇ
(گۈزەلنۇر ئىدرىس)
بوغۇزغا كەپلىشىپ بىر پىغان ھىجران،
كۆزياشنى چاناقتىن سىقىپ قوغلىدى.
بۇرۇنلار ئېچىشىپ ،قىزاردى جىيەك .
تىل كەلدى زۇۋانغا كۈچەپ توۋلىدى .
مىدىردى سۆڭەكتىن يارالغان جۈپ چىش،
چىشلىدى شۇ تىلنى قاتتىق غەزەپتە.
تىل گۆشقۇ ،چىش دېگەن سۆڭەكتۇر ئاخىر،
ناتىۋان شۇ تىلنى قىلدى مىڭ لەختە.
نەھاجەت چىشلاردىن زارلىنىش رەنجىش،
سۆيگۈنى بىلمەسكەن ئەزەلدىن سۆڭەك.
ئەگەردە بولسىدى ئۇنىڭدا سۆيگۈ ،
سۆڭەكتىن پۈتۈلۈپ سوقاتتى يۈرەك !
ۋادەرىخ ،تىلىدىن ئايرىلغاچ سۆيگۈ ،
مۇھەببەت بابىدا قىلالمىدى سۆز .
چىنلىققا گۇۋاھ بوپ شۇنىڭدىن بېرى،
سۆيسە بىر ئىشارەت بېرەر ئىكەن كۆز.
2015 -يىل 15-دېكابىر (كېچە)
108 قېتىم كۆرۈلدى | naima | ئەسەر يوللىغۇچى : | |
2015-12-16 1:42:54 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|