ئ‍ەي ئ‍ەزىزەم نەدىتىڭ شۇ چاغ

 كۆزلىرىمدىن تۆككەندە قان ياش ،
تاشتىن بەتتەر قاتقاندا بۇ باش .
ھەتتا مەندىن مۆككەندە قوياش ،
ئ‍ەي ئ‍ەزىزەم نەدىتىڭ شۇ چاغ …

مېۋىلىرىم ئ‍اتىلىپ پۈچەك ،
ئ‍ەلەم بىلەن ئ‍ۆرتىنىپ يۈرەك .
مەن يىغلىسام ئ‍ىزدەپ بىر يۆلەك ،
ئ‍ەي ئ‍ەزىزەم نەدىتىڭ شۇ چاغ …

تاغلار كەبى باسقان مېنى غەم ،
يىگانە مەن تاپالماي بىر پەم ،
يىغلىغانتىم يېلىنىپ شۇ دەم .
ئ‍ەي ئ‍ەزىزەم نەدىتىڭ شۇ چاغ …

بولمىسىمۇ سۆزلەرگە رايىم ،
قالمىسىمۇ قىلچىلىك ھالىم.
سامالارغا يەتكەنتى زارىم ،
ئ‍ەي ئ‍ەزىزەم نەدىتىڭ شۇ چاغ …

خالىمىسام ئ‍ېلىشنى ئ‍ارام .
ساقايماستا دىلدىكى يارام ،
ئ‍ەللەر مېنى دېيىشسە قارام ،
ئ‍ەي ئ‍ەزىزەم نەدىتىڭ شۇ چاغ …

كۈلۈپ قوياش يېشلىسە تۈگۈن ،
سوراقلارغا ھالىڭ بار بۈگۈن .
جاۋاپ بەرگىن ئ‍ۆتكەن تۈنۈگۈن،
نەلەردىتىڭ ئ‍ەزىزەم شۇ چاغ…