كەتتىڭ  نىگار ياتنىڭ قىشىغا

ھوشۇر ئ‍امىرجان ئ‍اتەشى تاجىك
  
ۋەدە بىرىپ ماڭا مىڭ -مىليۇن ،
كەتتىڭ  نىگار ياتنىڭ قىشىغا !
سەۋدايىمەن ئ‍ېشقىڭدا مەجنۇن ،
كەتتىڭ  نىگار ياتنىڭ قىشىغا !

 ساقىت قىلىپ مېنى نەزەردىن ،
دان ئ‍ىزدىدىڭ ، نان تۇرۇپ  يەردىن .
كىچىپ  مەندەك نەۋقىران ئ‍ەردىن ،
كەتتىڭ   نىگار ياتنىڭ قىشىغا !
 
پاك مېھرىمگە كۆنەلمەي  زېنھار  ،
يا، ئ‍ەتمىدىڭ  قىشىمنى باھار .
يەتمەستە ھېچ ئ‍اداققى قارار ،
كەتتىڭ  نىگار ياتنىڭ  قىشىغا !

كۆزلىرىمنى يېغلىتىپ ياشتا ،
كۆيدۇرۋەتتىڭ ناز قىلىپ باشتا .
يا قولۇڭدىن بىرەلمەي ناشتا ،
كەتتىڭ  نىگار ياتنىڭ قىشىغا !

مەن يۇرسەممۇ سېنى دەپ غەمدە ،
ئ‍اچچىق بولدى مېھرىڭ مەي تەمدە .
خۇش دىمەستىن ئ‍اخىرقى دەمدە ،
كەتتىڭ نىگار  ياتنىڭ قىشىغا !

ئ‍ەمدى ساڭا يوقتۇر پەرۋايىم
ھەم سېنىڭدىن يوقتۇر تامايىم .
مەن يېگانە شېئىر ھەمراھىم ،
كەتتىڭ نىگار ياتنىڭ  قىشىغا !