2017-نورۇز سوغىسى

ئ‍ابدىۋەلى مۇھەممەد

كىچە يېرىم كىچىدە،
مۇڭ چۈشمنىڭ ئ‍ىچىدە .
نورۇز بوۋاي سۆزلەپتۇ،
نورۇز ئ‍ەھلى ئ‍ىچىدە .
 
ئ‍ەلگە باھار ئ‍ەپ كەلدىم ،
يىڭى سوغا سەپ كەلدىم .
بۇ سوغىنىڭ دەستىدىن ،
گۈللىنىڭلار دەپ كەلدىم .
 
چىقتى چوڭلار ئ‍الدىغا ،
ئ‍الى ھۆرمەت سالامدا .
نىمە؟ سوغا ئ‍ەپ كەلدىڭ ،
نورۇز ئ‍ەھلى ئ‍اۋامغا .
 
نورۇز بوۋاي بىر قاراپ ،
ساقىلىنى بىر تاراپ .
نىمە كېرەك سىلەرگە ،
سۇئ‍ال سالدى ئۇ سوراپ .
 
ھەممە جىمىپ كىتىشتى ،
چوڭقۇر ئ‍ويغا پىتىشتى .
ۋاراڭ -چۇرۇڭ قىلىشىپ ،
ھەممە دەرتنى ئ‍ىتىشتى .
 
بونداق تالاش-تارتىشتىن ،
نەتىجىسىز قايتىشتىن .
ئ‍ەنسىرىگەن بىر دانا ،
سۆز باشلىدى ھالقىشتىن .
 
دانا تەمكىن سورىدى ،
ھەم غەۋغانى تورىدى .
باشلانماستىن ھىچبىر سۆز ،
ھەممە ئ‍ۇنى ئ‍ورىدى .
 
قۇرساقلاردىن غەملەر يوق ،
كىيىم-كىچەك كەملەر يوق .
بۇ  ھاياتنى   بىلشتە ،
دىگەنكىدەك   پەملەر يوق .
 
گاڭگىرايمىز بەزىدە ،
ياشاشنىڭ بۇ پەرزىدە .
ھەتتا ھېرىپ چارچايمىز ،
پەرزەنتلەرنىڭ قەرزىدە .
 
ھەممە پۇلغا دۈم چۈشتى ،
پول تاپقانلار راس ئ‍وچتى .
غەمدىن خالاس بولمىدى ،
بىشىغا ھەم كۈن چۈشتى .
 
تۇرمۇش ياخشى بولغاچقا،
يانچۇق     پۇلغا  تولغاچقا .
مولچىلقتىن      كېرىلدۇق،
غەمسىز خوشال بولغاچقا .
 
بۇ   كېرىلىش    دەستىدىن،
بالا كەلدى      بىزلەرگە.
شەرمى ھايا ئ‍ۇنتۇلۇپ ،
ئ‍ۇيۇن بولدى قىزلەرگە.
 
پۈتۈن ئ‍ىنسان ئالدىراش ،
تۈزۈك يىمەي ئ‍ىسسىق ئ‍اش .
بوپ قالدىغۇ بىزلەرگە ،
ھىچ مەناسىز بىر ياشاش .
 
بەك گاڭگىردۇق ھاياتتا ،
شۇڭا قالدۇق ئ‍ۇياتتا .
نورۇز بوۋاي جاۋاپ بەر ،
بەخىت زادى قاياقتا .
 
ھەممە جاۋاپ كۈتۈشتە ،
جىم بۇلۇشتى سۈكۈتتە .
نورۇز بوۋاي  باشلىدى ،
شۇنداق ياخشى ئ‍ۈگۈتتە .
 
يامان ئ‍ىللەت سىلەرگە ،
قول سۇنۇپتۇ كۈنەرگە .
ھاكاۋۇرلۇق دەرىخى ،
ساي تاشلاپتۇ ھۈنەرگە .
 
ھاكاۋۇرلۇق ئ‍ەسلىدە ،
نادانلارنىڭ نەسلىدە .
نىمە قىلسۇن ئ‍ويغۇردا ،
مۇشۇ نورۇز پەسلىدە .
 
مەيلى بوپتۇ سالاۋات ،
بۇنىڭغىمۇ بار ناۋات .
بۇ ناۋاتنى قەدىرلە ،
مەنا بېرەر بۇ ھايات .
 
بۇ سوغىنى بەرسەم گەر ،
ياخشى ساقلا ئ‍ەركەك ئ‍ەر .
قىممەت بىلەن ياشىغىن ،
پىشانەڭدىن تۈكۈپ تەر .
 
ئ‍ۇنىڭ نامى بىلىمدۇر ،
ھېكىمەت ھەم ئ‍ىلىمدۇر .
ياماق سالساڭ ئ‍ىللەتكە ،
شۇنداق ياخشى يىلىمدۇر .
 
پۇل كەتمەيدۇ ئ‍ۇنىڭغا ،
ھايات ئ‍ۆزى دەسمايە .
تەپەككۇردا ئ‍ىزدىنىپ ،
ھەركەت قىلساڭ كۇپايە .
 
ئ‍ۆزەڭ بولغىن ئ‍ەۋرىشكە ،
بالاڭ بولسۇن پەرۋىشتە .
ياخشى ھايات ئ‍ەنە شۇ ،
ھەرگىز ئ‍ەمەس ئ‍ەرىشتە .
 
بۇ سوغامنى ئ‍ىلىڭلار ،
قەلبىڭلەرگە سىلىڭلار .
رۇھىڭلارنى تازىلاپ ،
ياخشى ئ‍ىنسان بۇلۇڭلار .
 
شۇندا سوغات تارتىلدى ،
سوغات ئ‍ەلگە كار قىلدى .
بىلىم بىلەن ئ‍ويغۇرنى ،
تائەبەد كە  يار!!قىلدى .
 
توساتتىنلا بىر ئ‍اۋاز ،
شۇنچە مۇڭلۇق چالدى ساز .
سائەت ئ‍ىكەن ئ‍ەسلىدە ،
تاڭ سەھەرگە چاپتۇ ساز .
 
ئ‍ويلاپ قالدىم جىممىدە ،
ئ‍ۆينىڭ ئ‍ىچى ھىممىدە .
چۈشۈم ئ‍ىكەن ئ‍ەسلىدە ،
مۇشۇ نورۇز پەسلىدە .

ئ‍اپتورى: ئ‍ابدىۋەلى مۇھەممەد (قورغانى)