ئېزىقتۇرۇپ زېھنى مەيلىمنى،

 تىتىرەيسەن نازۇك يۈرىكىم.

مۇڭلىنىسەن بىراۋلار ئۈچۈن،

 كىملىكىنى بىلمەيسەن بەلكىم.

 ئىنتىلسەن مەۋھۇم مەنزىلگە،

كۈتمەس ئەمما ئۇ يەردە ھېچكىم.

يېنىشىڭنى بىلسەڭمۇ مەيۈس،

بارغۇڭ كېلەر لېكىن، ئاھ لېكىن!

كىملەرنىدۇر ئىزدەيسەن پىنھان،

مىسكىنلىككە ئىزدەپ تەسەللى.

سىردىشسەن غايىۋى بىراق،

ھېچكىم كەلمەس سېغىنىپ سېنى.

رېتىمىڭغا قايتقىن يۈرىكىم،

 ئادەملەردىن كۈتمىگىن ئۈمىد.

مەيلى تەنھا ئېيتقىن ناخشاڭنى،

بىپەرۋاغا قالمىغىن كۆنۈپ.