ئانا ۋە قۇياش
(ئۇچقۇن )
كەچلىرى كۆرگەن تاتلىق ئۇيقۇمدىن پەقەتلا ئويغانغىم يوق .لىكىن بىراۋلار مەڭزىللىرىمنى بوش بوش چىمدىپ قوياتتى ،نازۇك بارماقلىرىدىن كەلگەن ھارارەت يۈزلىرىمنى چىمىلدىتىپ تۇراتتى . بۇ ئانامنىڭ بارماقلىرى ،ياق ،مەن ئانامنىڭ پىشانىللىرىمنى ،مەڭزىللىرىمنى سىيلاشلىرىنى تۇيىۋالىمەن . ئانام سۈبھى قىزى چۈمپەردىسىنى قايرىماستا، تاڭ لىباسىنىڭ چاڭ توزانلىرىنى سۈپۈرگىللىرىدە تازىلاپ پاكىزلايدۇ ،لېكىن ئۆزىگە قوندىرىۋالىدۇ .
شارىلداپ ئېقىپ تۇرغان ئېرىق سۇلىرىدا چېلەكلىرىنى لىقلاپ ، ھويلىلارنىڭ چاڭقىقىنى سۇغىرىدۇ ،لېكىن ئۆزى پەقەتلا ھاردىم ،ئۇسسىدىم دىمەيدۇ. روجەكلىرىمنى قايرىپ ،قاراڭغۇنى ھەيدەپ چىقىرىدۇ ..ھە مانا مېھرىبان ئانام . بۇ سىيلاشلارمۇ يەنە بىر مېھرىبانلىق ئىگىسىدىن كېلىۋاتقان ئىدى . ئىللىق قۇياش نۇرلىرى، تۈنۈگۈننىڭ خاتېمە تامغىسىنى مانا ئۇردى ،بۈگۈننىڭ سەھىپىسىنى ئاچتى ،بۈگۈنگە- ئىش ھەركەتلىرىمىز ياكى ئوي پىكىر ،ئارزۇلىرىمىز قەلەم تەۋرىتىدۇ .ئۆز ئەسلىمىللىرىمىزنى يازىمىز. مەيلى كۈلەيلى مەيلى قاخشايلى ،بۈگۈنمۇ ئەتىسى تۈنۈگۈنگە ئايلىنىدۇ . بۇ بۈگۈن ئەتىلەر ئاي ۋە قۇياش ئوتتۇرلىقىدا يېتىلىشىپ ئايلارنى بېزەيدۇ ،يىللارغا بوي ئاتا قىلىدۇ . ئەمدى تېمىغا كېلەي، زىرىكمىسەڭلار ئاڭلاڭلار ،سۆزلەپ بېرەي :
- بۇ گۈزەل بوستانغا قاراڭلار ، بۇ ساناقسىز خۇش پۇراقلىق گۈللەر كۆڭلۈڭلارنى خۇش ئېتەلەمدۇ ؟ - ئەلۋەتتە شۇنداق . چۈنكى ئۇ ساختىلىقتىن خالى ،چىنلىق ئۇنىڭغا مۇجەسسەملەنگەن . ئۇنىڭدىن زەيپان كۆڭۈللەر، تىنىقلىرىمىز ھىدلىغان خۇش پۇراقتىن ،روھلىنىدۇ ،شادلىنىدۇ . - ئۇنداقتا ،ئۇلارنى ئوراپ تۇرغان ئاۋۇ يانتاق تىكەنلەرچۇ ؟ ئۇلارنى ياقتۇرامسىلەر ؟ ئۇلار بۇ سوئالىمدىن نارازى بولۇشقاندەك : - بۇلار داشقاللاردۇر . رەزىللىكنىڭ ،زەھەرخەندىلىكنىڭ سىموۋلى . ئۇلارنى يۇلىۋېتەيلىمۇ ؟
-ياق . قاراڭلار ،گۈللەر پۇراۋاتقان ھاۋانى ئۇلارمۇ پۇراۋاتىدۇ ،ئىچكەن زۇمرەت سۇنىمۇ ئوخشاش ئىچىشىۋاتىدۇ . ئەقەللىيسى ، ئۇلارغا ھايات نۇرلىرى بەخىش ئەتكەن قۇياش ،بىرىنى ئايرىپ قويماپتىغۇ ؟! بەلكىم بۇ تىكەنلەر بولمىسا ،بۇ گۈللەرنى باشقىلار ئۈزۈپ خاراپ قىلىشى مۇمكىن ئىدى .شەخسىيەتچى كىشىلەرنىڭ قوللىرىغا سانجىلغاندا ئاندىن پەيلىدىن يېنىشىدۇ ئەمەسمۇ .
مانا بۇ ئاللاھنىڭ ھېكمىتى. قۇياش دالىلارنى ئىللىتىدۇ ،قۇشلارنىڭ قاناتلىرىدىكى يامغۇر سۇلىرىنى قۇرىتىدۇ ،ئۇلار شوخلۇق بىلەن دەل دەرەخلەر ئارا ئۇچۇشۇپ ئوينايدۇ ،ۋىلىقلاپ سايرىشىدۇ . ئوخشاشلا ئۇ ئۆز نۇرلىرى بىلەن يانتاق تىكەنلەر ۋە جىغانلارغىمۇ ئىللىق نۇرلىرىنى ئاتا قىلىپ ئۇلارنى پەپىلەپ ئۆستىرىدۇ . ئانىنىڭ مېھرى ئۆز پەرزەنتلىرىنىڭ ياخشى يامان قىلىقلىرىغا قارىتا ئىللىق ياكى گۇڭگا بولمىغىنىدەك ، قۇياشمۇ تەبىئەتكە تاتلىق تەبەسسۇمى بىلەن كۈلۈپ باقىدۇ . ئۇنىڭسىز نە ھايات داۋامى نە ئارزۇ ئىستەك نىشانى بولسۇن !
257 قېتىم كۆرۈلدى | ئويغان | ئەسەر يوللىغۇچى : | |
2015-12-14 1:24:13 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|