قايتىپ كەل بولايلى ئ‍ايرىلمايدىغان

   سەن ئ‍ىدىڭ يۇلتۇزۇم چاقنايدىغان ،
سەن ئ‍ىدىڭ ياشلىقىم ياشنايدىغان ،
سەن ئ‍ىدىڭ ئ‍ىشەنچىم ئ‍اسرايدىغان ،
سەن ئ‍ىدىڭ ھەمرايىم ساقلايدىغان ،
قايتىپ كەل بولايلى ئ‍ايرىلمايدىغان .

جېنىمدىن ئ‍ەزىز كۆرەتتىم سېنى ،
بەر دېسەڭ بېرەلەيتتىم جېنىمنى ،
سەن ئ‍ۈچۈن تۆكەلەيتتىم قېنىمنى ،
ساڭىلا پەقەت دېيەلەيتتىم سىرىمنى ،
قايتىپ كەل بولايلى ئ‍ايرىلمايدىغان .

سەن كەتتىڭ كۆڭلۈم بەكلا پەرىشان ،
قىلغانلىرىم ئ‍ۈچۈن قىلدىم پۇشايمان ،
چەكتىم  ئ‍ازاپ بولالمىدىم شادىمان،
ھېس قىلدىم ئ‍ۆزۈم ھەقىقىي نادان ،
قايتىپ كەل بولايلى ئ‍ايرىلمايدىغان .

مەن بار ساڭا چارچىغاندا يۆلەنسەڭ ،
بولمايدۇ بۇنداق تۇيۇقسىزلا ئ‍ۆزگەرسەڭ ،
تاشلىما مېنى تاشلىما بولمايدۇ كەتسەڭ ،
سەنسىز ياشاش ھارام ماڭا چۈشەنسەڭ،
قايتىپ كەل بولايلى ئ‍ايرىلمايدىغان .

قانداق قىلاي سەن يوق مەن ئ‍ەمدى ،
دەردىمگە ئ‍ىزدەپ داۋا بولاي دىۋانى ،
سۆيەي كىمنى سىلاي كىمنىڭ چېچىنى ،
چەكسىز ئ‍ازاپ چىرمىدى زەئىپ قەلبنى ،
قايتىپ كەل بولايلى ئ‍ايرىلمايدىغان .

بېرىشكەن ئ‍ىدۇق قەسەم ھەم ۋەدە ،
سەندىن ئ‍ارتۇق خۇشاللىق نەدە ،
ئىشەنگىن بۈگۈندىن گۈزەلدۇر ئ‍ەتە ،
بىزدەك بىر جۈپ يوقتۇر ھىچ يەردە ،
قايتىپ كەل بولايلى ئ‍ايرىلمايدىغان .

سۆيىمەن سېنى كەتمىگىن يىراق ،
قەدىرلەي سېنى بولاي دىل چىراق ،
پۇرسەت بەر ماڭا يارىشىپ تېزراق ،
بېرەي مۇھەببەت سۆيگۈدىن بۇلاق ،
قايتىپ كەل بولايلى ئ‍ايرىلمايدىغان .

2016-يىل ، 19-ئىيۇل .

— ئىلتەرىش .