مېنى سىنىما، ئۆتەلمەي قالسام سۇئالنى قىيىن چىقىرىپ قويغۇنىڭغا پۇشايمان قىلىپ قالىسەن!
سىنىما
ئابدۇۋەلى ئابدۇغېنى

دىلبىرىم سەن مىنى سىنىما،
سۆيگۈمنى گۇماندا تەزدۈرۇپ.
نىشانغا يىتىمەن سەن ئۈچۈن ،
قويساڭمۇ چۆللەرنى كەزدۈرۈپ.

دىلبىرىم سەن مىنى سىنىما،
ئەقىدەم سەن تامان چاپىدۇ.
ۋەسلىڭگە يىتىشتۇر -تىلىكىم ،
ئىجادتىن گۈھەر -دۇر قازىدۇ.

دىلبىرىم سەن مىنى سىنىما،
بولمىغىن سۆيگۈمنىڭ قاتىلى.
مۇھەببەت بولمىسۇن يالىڭاچ،
ئاتالما ئىشىقنىڭ غاپىلى.

دىلبىرىم سەن مىنى سىنىما،
ئىنتىلىپ تۇرىمەن جاۋاپقا.
چىقارما سۇئالنى بەك قىيىن ،
قالمىغىن ئاھ ئۇرۇپ ئازاپقا.

دىلبىرىم سەن مىنى سىنىما،
سۇئالنى ئاشۇرۇپ چېكىدىن.
گۈلبەڭگە يۇرۇقلۇق چىقارماس،
ئايرىلسا پىلىكمۇ يېغىدىن.

2017.3.31جۈمە    خوتەن