يالغۇز قالدى

ئاپتۇرى : مەخسۇم ھىپىز (ئاققاش) 

ئەجەل كىلىپ زۇلمەت كېچىدە تىنقى توختاپ ،
بىزنى باققان مىھرى بانىم كىتىپ قالدى .
ھاياتلىقتىن ئۈمىد ئۈزۈپ بويۇن قىسىپ ،
تۆت  قېرىنداش يېتىم بولۇپ يالغۇز قالدىم .

چوڭ يۇقىتىش بولىدى بىزگە بۇ ئەجەلدە ،
ئانام كەتتى بۇ ئالەمدە ئەجرى قالدى .
يېمەي ئىچمەي بالا باقتى كېسەل تاتتى ،
ئۆمۈر بويى ئاياپ تۇتقا ئۆيى قالدى .

ھاياتلىقتا سىرداش بولۇپ بىللە ئۆتكەن ،
جان يولدىشى ھالال جۈپتى دادام قالدى .
ئۆيدە سىرداش بىزگە مۇڭداش ئاتا ئاداش ،
جان كۆيدۈرۈپ كۆيۈندىغان تاغام قالدى .

مېھردە ئولتۇرۇش قاندا تۇتاش قېرىنداش ،
بىللە ئويناپ تەڭ يېتىلگەن ئاغام قالدى .
تەپكۈچ ئويناپ يۈرگەن چاغدا تۇنجى بولۇپ ،
يېتىم قىلماي ئۆزى باققان ئوغلى قالدى .

يىگىرمىگە قەدەم قويۇپ ئۇلاپ  تۇغۇپ ،
نۇسخىسىدەك تەربىيلىگەن قىزى قالدى .
بۇ كۈنلەردە ئانام شۇنداق كېسەل ئىدى ،
ساقسىز تۇرۇپ تۇغقان ئوغلى يۇنۇس قالدى .

كەنجى ئىنىم غەمسىز گۆدەك سەبىي ئىدى ،
بۇ يىل تېخى يەتتە ياشتا كىچىك قالدى .
ئانام بىزگە تالاي ئەجىر مېھنەت قىلدى ،
ئەپسۇس كەتتى ئەمما ئۆچمەس ئىزى قالدى .

2014-12-21
ئۇندىدار:18509996475