ئەيلىدى
(غەزەل)
تۇرسۇن ئىمىن شەيدائى
( شىنجاڭ يازغۇچىلار جەمئىيىنىڭ ئەزاسى )
كەلمىدى، سۆيگەن نىگارىم چېھرىنى پىنھان ئەيلىدى ،
قارا ھىجران ساھىلىدا مېنى سەرسان ئەيلىدى .
تەلمۈرۈپ باقتىم يولىغا كۆزلىرىمدە ئۈنچە -ياش ،
يەتمىدى ھالىمغا ئەسلا زەپمۇ غەمخان ئەيلىدى .
ئوي -خىيال مۈلكىدە ھەلەك ئۇيقۇسىز -بىدارىمەن ،
كەلمىدى، قەددىم پۈكۈلدى تەركى جاھان ئەيلىدى .
ئۇلغىيىپ پىراق لاۋاسى تەپتىدە ياندى ۋۇجۇد ،
بۇ ئېزىز كۆڭلۈمنى چۆل ،باغرىمنى گۈلخان ئەيلىدى .
تاقىتىم كاسەسى تاشتى بولمىغاچ ھېچبىر ئۇچۇر ،
ئىشقىدا گۈلشەن بىنا ئەتكەندە يەكسان ئەيلىدى .
سۆيگۈ بېغىدا چىنارنىڭ ياپرىغى قالدى سولۇپ ،
دېگىنىم : " سادىق -ۋاپادار "ئەلنى ھەيران ئەيلىدى .
4278 قېتىم كۆرۈلدى | xeydayi | ئەسەر يوللىغۇچى : | |
2017-4-14 20:45:56 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|