بىز مۇئەللىم مەكتەپتە خۇشال سايرايمىز
تۇرغۇن راخمان(كەمتەر)

بىز مۇئەللىم مەكتەپتە بىلىم بېرىمىز ،
مۇنبەرلەردە خۇش سايراپ ، ئەقىل تاۋلايمىز ،
ئۈمۈدىمىز ، بۇرچىمىز بالىلار ئۈچۈن  ،
ئەجدادلارنىڭ ئىزىنى مەڭگۈ باسىمىز .

بىز مۇئەللىم مەكتەپتە خۇشال سايرايمىز ،
پەرۋىش قىلىپ بالىلار ، دادىل چامدايمىز ،
ۋەتەن قوينى گۈزەل باغ ، روھىمىز تېتىك ،
قەدىرلەيمىز پۇرسەتنى ، مەڭگۈ ئازمايمىز .

بىز مۇئەللىم مەكتەپنى گۈلگە ئورايمىز ،
سەھەر تۇرۇپ ، مەكتەپكە قەدەم ئالىمىز ،
ئەجدادلارنىڭ ئەجرىنى ئاقلايمىز مەڭگۈ ،
گۈزەل ئانا ۋەتەننى گۈلگە ئورايمىز .

بىز مۇئەللىم مەكتەپتە بىلىم قازىمىز ،
ئىجىل - ئىناق بولۇشۇپ ، بىللە سايرايمىز ،
مېھىرلەرنى بېرىشىپ ، خۇش چىراي ئېچىپ ،
ئىناقلىقنىڭ كۈيىنى مەڭگۈ توۋلايمىز .

بىز مۇئەللىم مەكتەپتە گۈللەر تېرىيمىز ،
ۋەتەن قوينى بەك ئىللىق ، گۈلدەك ياشايمىز ،
ۋەتىنىمنىڭ ئەجرىنى ئۇنۇتماي مەڭگۈ ،
قول تۇتۇشۇپ ئىلگىرلەپ ، ئالغا چامدايمىز .

بىز مۇئەللىم مەكتەپتە ئەركىن سايرايمىز ،
بالىلارنى ئويغۇتۇپ ، ئەقىل تاۋلايمىز ،
مەشئەللەرنى ياندۇرۇپ ، ئويغۇتۇپ ئەۋلاد ،
كۆكتە پەرۋاز قىلدۇرۇپ ، زەپەر قۇچىمىز .

بىز مۇئەللىم مەڭگۈگە پەرزەنت ئويلايمىز ،
توغرا يولدىن قايتمايمىز ، ھەقنى ياقلايمىز ،
ئەقىدىدە ئىزدىنىپ ، ئەتىنى ئويلاپ ،
مەرىپەتنىڭ قوينىدا خۇشخۇي سايرايمىز .

بىز مۇئەللىم مەكتەپتە خۇشال يايرايمىز ،
ۋەتەن ئۈچۈن تېرىشىپ ، زادى ھارمايمىز ،
مەرىپەتنىڭ كۈيىنى ياڭرىتىپ مەڭگۈ ،
مەشئەللەرنى ياندۇرۇپ ، مەڭگۈ  تاۋلايمىز .

بىز مۇئەللىم بىر ئۆمۈر ئەۋلاد ئويلايمىز ،
بالىلارنى خۇش قىلىپ ، بىللە ئوينايمىز ،
تالاشمايمىز تۆھپىلەر ، بولۇشۇپ ئىناق ،
ئانا ۋەتەن قوينىدا خۇشخۇي سايرايمىز .

بىز مۇئەللىم مەكتەپتە مەغرۇر ئىشلەيمىز ،
نۇر چىراقلار ئاستىدا پەرۋاز قىلىمىز ،
شەرەپلەرنى قۇچىمىز ، ۋەتېنىم ئۈچۈن ،
ئانا ۋەتەن بارىمسەن ، مەڭگۈ ئازمايمىز .

بىز مۇئەللىم ۋەتەندە ، دادىل چامدايمىز ،
بالىلارنىڭ مېھرىگە زادى قانمايمىز ،
سەبىيلەرنى قەدىرلەپ ، ھارماي ئۆگىتىپ ،
ۋەتېنىمنىڭ ئەجرىنى يەردە قويمايمىز .

بىز مۇئەللىم مەكتەپتە دىللار تاۋلايمىز ،
جاپالاردىن قورقمايمىز ، پارلاق ئەتىمىز ،
پۇرسەتلەرنى قەدىرلەپ ، ئىزدىنىپ مەڭگۈ ،
ئانا ۋەتەن ئىشقىڭدا مەڭگۈ سايرايمىز .
 

 مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589