سېغىنىشىم چاقىرسا سېنى
غۇلجا دىيارىدىن مىھرىبان تالىپ

تۇنجى قاردا كۆرىشەيلى دەپ ،
كەلمىدىڭغۇ قارلىقىڭ قېنى ؟
قار گۈلىدەك قونغىن قولۇمغا ،
سېغىنىشىم چاقىرسا سېنى .

سېغىنىشىم چاقىرسا سېنى ،
مېھرىڭ بىلەن سۆيۈپ قوي ئاستا .
يېزىپ قويغىن ئىككىلىك سالام ،
دۈشمەنلىرىم تۇيۇپ قالماستا .

دۈشمەنلىرىم تۇيۇپ قالماستا ،
تۈندە كىرگىن شېرىن چۈشۈمگە .
ھېسلىرىمدىن ئۆچمىسۇن نامىڭ ،
ئۆز قولۇڭدا يازغىن كۆڭلۈمگە .

ئۆز قولۇڭدا يازغىن كۆڭلۈمگە ،
قەدىردانىم بارلىقىم سەن دەپ .
بەخىت ماڭا ساڭا يار بولۇش ،
ھەر تىنىقتا تۇرىمەن ئەسلەپ .

ھەر تىنىقتا تۇرىمەن ئەسلەپ ،
تۇنجى قاردا سەنمۇ كۈت مېنى .
جەم بولىمىز قار بىلەن بەلكىم ،
سېغىنىشىم چاقىرسا سېنى .

نازۇك  1314520[调皮]