كەلمەيدۇ
ئاپتورى:چەشمە(خانقىز تۇرغۇن )
تال مىنىپ ئېتىم دەپ قىيغىتىپ كۈلگەن،
مۆكۈشمەك ئوينىشىپ خاماندا يۈرگەن.
ئارتىلىپ شورىدىن باغلارغا كىرگەن،
شۇ گۈزەل باللىق كەتتى كەلمەيدۇ،
ۋاللەيلەر توۋلىشىپ چۇقان سېلىشىپ،
نان راسلاپ لاي بىلەن تۇنۇرغا يېقىپ.
چۆرگلەپ سىم چۆچەك،چۆچەك ئېيتىشىپ،
ئۆتكۈزگەن باللىق ئەمدى كەلمەيدۇ.
توپلىشىپ ئاداشلار چۆمۈلۈپ سۇغا،
مال بېقىپ يايلاقتا ئېسىلىپ قويغا.
بويىمىز يەتمىسە چىقىپ شاخلارغا ،
شۇ تاتلىق باللىق يېنىپ كەلمەيدۇ.
ئۇخلىغاچ ساتمىدا يۇلتۇزلار ساناپ،
گۈللەرنىڭ ئىچىدە كىپىنەك قوغلاپ.
قۇشلاردىن ئۆزئارا سالاملار يوللاپ،
شاتلانغان بالىلىق مەڭگۈ كەلمەيدۇ.
2016- يىل 1-ئاينىڭ26-كۈنى
105 قېتىم كۆرۈلدى | qaxma | ئەسەر يوللىغۇچى : | |
2016-1-28 9:40:18 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|