ۋىسالىغا يېتەلمىگەنلەر 

 ئابدۇرۇسۇل قادىر  ئىزچى

قارا تۈندە ئىزدەپ تۇلۇن ئاي،
شېرىن ئۇيقىغا كىرەلمىگەنلەر.
نېمە شېرىن دەيسەن ھەي ئىنسان،
ۋىسالىغا يېتەلمىگەنلەر.

شېرىن خىيال ئەگىپ توختىماس،
ھەربىر ئۆتكەل ئۇزاق مۇساپە.
بىراق خىيال ئەسلا خىيال باس،
ۋىسالىغا يېتەلمىگەنلەر.

كۆپ ئىنسان بار دۇنيادا ئەسلى،
تەقدىر قولىدا ئويۇن قويغانلار.
ئويلىماس بىچارە سۇنغان ئۆزىنى،
ۋىسالىغا ھەي يېتەلمىگەنلەر.

ۋىسالىغا يېتەلمىگەنلەر،
ئويلاپ قويغىن ئۆزۈڭنى بىر كۈن.
ئالماقنىڭمۇ بەرمىكى بارمىش،
ۋىسالىڭغا يېتەرسەن مىسكىن.