سەن نەدە ئاتا

قەيسەرجان دولقۇنى

سەبىي قەلبىم تەلپۈنگەندە ئاتا مىھرىگە ،
ئۆگەي كېلىپ دەشنام بەردى سەن نەدە ئاتا ؟
دۇچار بولسام ھەربىر نۆۋەت تاياق دەشنامغا ،
تەسەللىيگە مۇھتاج ئېدىم سەن نەدە ئاتا ؟

سوقىندى بوپ كوچىلاردا زار-زار يىغلىدىم ،
باشقىلارنىڭ بالىسىدەك خۇشال يۈرمىدىم ،
بەخت نىمە؟مىھىر نىمە ؟زادى  بىلمىدىم ،
مىسكىن كۆزدىن ياش تۆككەندە سەن نەدە ئاتا ؟

مەن يايراشتىن ھەقىقىي بىر كۈلۈپ باقمىدىم ،
غۇۋا بولغاچ مەنزىلىمنى كۆرۈپ باقمىدىم ،
جان ئاتا دەپ سوقتى يۈرەك ،سېنى ساقلىدىم ،
ئازاپقا دۇچ كەلگىنىمدە سەن نەدە ئاتا ؟

نەكى پەرۋىش ،نە كۈيۈنۈش خەۋەرسىز قالدىم ،
سەن بولمىغاچ بەڭۋاشلىقتا تەربىيەسىز قالدىم ،
شۇ سەۋەپتىن خاتا يولغا گىرىپتار بولدۇم ،
تەتۈر قەدەم ئالغان چاغدا سەن نەدە ئاتا ؟

سەرگەردان بوپ نى كۈنلەرنى ئۆتكۈزدۈم باشتىن ،
ئەمدى مانا ھالقىپ ئۆتتۈم ئەقىلسىز ياشتىن ،
بولدى ئەمدى توختىتىمەن كۆزۈمنى ياشتىن ،
غەيرىتىمنى كۆرگىن كېلىپ سەن نەدە ئاتا ؟؟؟