خىتاپ
ئۈمۈد.ئابلىكىم
ئاناڭغا دوق قىلما ئەزۋەيلىدى دەپ ،
ئەنسىرەر، چۈنكى سەن ياقا يۇرتلاردا.
«بالامنىڭ تەنلىرى ساقسىزمۇ ساقمۇ،
نېمىلەر يېگەندۇ تاماقلىرىدا؟»
سەن ئۇنىڭ باغرىنى يېرىپ چىققانسەن،
ئاڭلىنار ئاۋازىڭ قۇلاقلىرىدا.
ئاتاڭنىڭ بەزىدە ئاچچىقلىشى بار،
توسۇقتۇر سەن ئۈچۈن يامان يوللاردا.
قاتتىق قول بولغىنى پايدىدۇر ساڭا،
مۇھەببەت يېلىنجار يىرىك قوللاردا.
ئۇنىڭمۇ باغرى گۆش، ئەنسىزلىكى بار،
ئېيتالماس، كۆمۈلگەن قەيسەر دىللارغا.
ئاقاردى مەنزىلسىز قۇندۇز چاچلىرى،
بالام دەپ پايپېتەك بولۇپ سىرتلاردا.
بويالغان چاچلىرى بىلمەيسەن، ئەمما
بىلىنەر ئاقلىقى ساقال-بۇرتلاردا.
24-2014-دېكابىر نەنچاڭ
ئۈمۈد.ئابلىكىم
53 قېتىم كۆرۈلدى | umut_1116 | ئەسەر يوللىغۇچى : | |
2016-11-9 0:02:01 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|