كېتىمەن

مۇھەممەد ئەركىن چىن يار

قوغلىما نىگارىم مۇز ياغقان كۆزدە ،
خالىساڭ يۇلتۇزغا سىڭىپ كېتىمەن .
سۆيگۈنىڭ ئولتۇرۇپ غېرىپ ھارۋىسغا ،
يامغۇر رەڭ ياشلاردىن شاراپ ئىچىمەن .

بىر كەتسەم يېنىڭدىن قايتا كەلمەيمەن ،
قاغجىرغان لېۋىمگە زەھەر تەڭلەيمەن .
ئاشقلىق شەھىردە يۈرسەم ۋەيرانە ،
ئىككىنچى بىرسىگە كۆڭۈل بەرمەيمەن .

كېتىمەن قالىدۇ قۇپقۇرۇق سەھەر ،
ئۆچۈرمەن ئىزىڭنى بەلكىم تاملاردىن .
يۈگۈرسە تەنھالىق كوچاڭنى بويلاپ ،
سورىما چىمەنلەر ئۆسكەن باغلاردىن .