سېغىنىش
شاھتۈرك
تۈن كېچە بەك ئۇزۇن يامان چۈش كەبى،
تولۇن ئاي باقىدۇ سوغۇق نەزەردە.
ياستۇقۇم بىلىدۇ ھەممە ھەممىنى،
تۇنۇشتەك بىلىنگەن يات بۇشەھەردە.
سېغىنىش ئاددى سۆز ئاڭلىماق ئۈچۈن،
ۋەلېكىن ۋەزىنى مىڭ پاتمان كېلەر.
كاككۇكلار سايرىسا جۈپتىنى ئىزدەپ،
زەينەپلەر قەدرىنى كەتكەندە بىلەر.
سېغىندىم شۇقەدەر سېنى ئاھ گۈلۈم
قۇش قىلىپ ئۇچۇتتۇم مەنزىلى ئۆزۈڭ.
شۇ تاپتا ئۇيقۇسىز تۇرۇسقا قاراپ،
ھىجرانلار ئىچىدە نەملەندى كۆزۈڭ.
سېغىنىش سېغىنىش تاتلىق سېغىنىش،
يوقلۇقۇم قەدرىمگە يەتكەنسەن بەلكىم.
قەلبىڭگە بىر ئىللىق سېزىم كەلگەندۇ؟
ئېسىڭدىن لىپ قىلىم ئۆتسە سىمايىم.
ئىككى ئۆي، تۆشەكتە خىياللار تۇلا،
قەلبىمنى ئۇخچۇيدۇ شۇنداق بىر ئەلەم.
كۆتۈپ تۇر لەيلىدەك مەجنۇنمەن ئۆزۈم،
تاپىمەن غېرىبنىڭ مەنزىلى سەنەم.
2015.7.19كېچە شەھرى غۇلجا
61 قېتىم كۆرۈلدى | ئايگۈل | ئەسەر يوللىغۇچى : | |
2016-10-27 22:32:14 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|