نەي پىراقى

مۇھەممەدباي بادۇر شاۋگۈنى

نەي ئ‍ۈنى روھلارغا تەگدى،
غايىب مۇڭى دىللارنى چەكتى.
لەكمىڭ تۇلپار "تۈمبەك سازى"دا*
چەۋەنداز ھۇنىرى ساماغا يەتتى·

زېمىن بەرگەن شاد زوقى بىرلە،
شاھ بۇلدى كۆڭۈل قەسىرگە؛
ھەربىر تۆشۈكتە پامىر كۈيى،
ئ‍ۆركەشلىدى خەلقىم تۆرىگە .

بۈركۈتمۇ كىلىپ قۇندى ئ‍اڭا،
ئ‍ۆز كۈيىگە بولۇپ ئ‍ۇ شەيدا.
چالساڭ تاغدا قۇياش پەسلىدى،
مۇڭلاندى گۈل تەبىئەت ئ‍انا.

مەشرەپكە چۈشتى ئەل تامان ،
ياڭرىدى دەريا بۇيى بۇ كۈي.
سۇلار تۇختىدى ئ‍ېقىندىن،
ئ‍ۇسسۇلغا چۈشتى گولرۈي.

چالدى چاۋاك كېيىك، ئ‍ولار،
سايراشتىن تۇختىدى قۇشلار.
بۈركۈت ئ‍ەۋلادى سىرلىق تىلسىمات؟
نەي پىراقتا ئالەم  ياشىنار  !

خاتىمە

نەي پىراقى -بۈركۈت روھىدۇر،
بۈركۈت روھى خەلقىم كۈيىدۇر.
بۈركۈت دېمەك تاجىك سىماسى ،
"مۇز جىلغىسى ئ‍اتەش زېمىندۇر .

---------------------------
*تۈمبەك ساز- تاجىكلارنىڭ مەخسۇس ئ‍ۇغلاق تارتىش  مۇزىكىسى .
---------------------------
*نەي پىراقى -تاجىك مىللىتنىڭ سۆڭەك نېيى پىراقنى دېمەكچى ؛