2- ئاينىڭ 21-كۈنىدىكى «ئانا تىل بايرىمى»نى مۇبارەكلەپ!

ئانا تىلىم بايرىمىڭ بوپتۇ

ئابدۇراخمان ئىبراھىم

يىگىرمەبىرىنچى فېۋرال كەپتۇ،
سېنى كۈيلەپ،قەلەم تەۋرەپتۇ.
بىلسەم بۈگۈن،ئەسلىدە سىنىڭ،
ئانا تىلىم بايرىمىڭ بوپتۇ.

مەنمۇ يازدىم، شەنىڭگە شېئىر،
چىن سۆيگۈڭدىن مىسرالار تىزىپ،
پۈتۈپ چىقتى،شېئىرمۇ ئاخىر.
ئوتتۇزئىكىكى ھەرپنى سىزىپ.

قانچە يازسام،شۇنچە ئاز ساڭا.
ئانا تىلىم،ئانام بەرگەن تىل.
بولسۇن شېئىرىم،بۈگۈنۈڭ ئۈچۈن،
دىلدىن سۇنغان،ئاددىي بىر  تال گۈل.

مۇھىملىقىڭ ھەممىگە مەلۇم،
چۈشەندۈرۈش بەكمۇ ئارتۇقچە،
سەن گوياكى مىللەتكە كىملىك،
ئۇيغۇرلۇققا، سالاھىيەتكە.

شۇڭا سېنى قوغداش، بىز ئۈچۈن،
ئۇيغۇرلۇقنى قوغدىغانلىقتۇر.
بۇزىۋېتىش- ھەر ئىبارەڭنى،
ساپلىقىڭنى قوغلغانلىقتۇر.

ئارزۇيۇم شۇ،سېنى ئىشلىتىپ.
بولسام دەيمەن،ئۇيغۇر شائىرى.
چۈنكى شائىر بولالماس ھېچكىم،
بولماي تۇرۇپ، ئۆز تىل ماھىرى.

ئەمگىكىمنى قەدىرلەڭ، نامسىز قويماڭ.
2017.2.21