ئەركىلىكنى كۆتۈرمەس دۇنيا

مۇھەممەتجان راشىدىن شېئىرى

ئوينىساقمۇ ئويلاپ ئوينايلى،

 كۆپ ئويۇننى كۆتۈرمەس دۇنيا.

 مىزانى بارئەركىلەشنىڭمۇ،

ئويۇن بىلەن كۆكەرمەس دۇنيا.

 شاراب ئىچكەن شەرەپ-شان ئەمەس ،

راھەت دېمە كېكەرگىنىڭنى .

ئانا ئېلىڭ كۆرۈپ خۇش بولسۇن،

 سېنىڭمۇ يۈك كۆتەرگىنىڭنى.

 ئەل قەلبىدە ئاقىلنىڭ ئورنى ،

 گۆھەر دەيدۇ زېرەكنى دۇنيا .

 جىق بولسىمۇ ئورماندا دەرەخ ،

 خىللايدىكەن كېرەكنى دۇنيا .

 ئەھلى مەردكە باغرى بىپايان ،

نامەردلەرگە جازاسى تەييار .

 قىلىچى بار غايىب قولىدا ،

مەلئۇنلارغا قازاسى تەييار .

ئاسان ئەمەس ياشاش ئۆزمۇ ،

 دۇنيا دېگەن گويا پىلسىرات .

 ياشالىساڭ يالقۇنلاپ ياشا ،

 ياشالمىساڭ توۋلىما 《پەرياد ！》

يوللىغۇچى: ئەسقەر ئۈچتۇرپان