باقمىدىم
ئابلىكىم ئابلەت (ئەرتۈرك )

قىسمىتىڭ ئازابلىق بولسىمۇ ھايات ،
سىنىڭدىن ئ‍ۈمىدنى ئ‍ۈزۈپ باقمىدىم .
يىغاڭنىڭ كەينىدە كۈلكەڭ بار بەلكىم ،
مەڭگۈگە كۈلگەننى كۆرۈپ باقمىدىم .
 *             *               *               *
ئارلىقى  بىر  تىنىق  ئ‍ۆلۈك  تىرىكنىڭ ،
تىنىقسىز   مىنۇتمۇ   ياشاپ  باقمىدىم .
ياشىغاچ ھەر ئىشتا ھىكمەت باردۇر دەپ،  
ئارتۇقچە سەۋەبنى  ئىزدەپ باقمىدىم .
   *              *             *            *
ئىيتىمەن شۇ زاتقا مىڭلارچە شۈكۈر ،
بەردى كۆپ نىئمەتنى بىلىپ باقمىدىم .
بىراۋلار كۆڭلۈمنى ئ‍اغرىتسىمۇ ھەم ،
مىھرىمنى ئۆزگىدىن ئ‍اياپ  باقمىدىم  .
           -2016.6.23