< < ئاشىق >> شىئېر
ئاپتۇرى _مەمەتجان سامساق
سۈكۈتلەرگە چۆكتى بۇ دۇنيا ،
مۇھەببەتنى يىتىم قالدۇرۇپ ·
ئاشىق كۈزى نەمدەلدى تۈندە ،
كىرپىكلەرگە مارجان قوندۇرۇپ·
چاقىرارمەن ئىسمىڭنى ھەردەم ،
چۈش كۆرگەندەك پىچىرلاپ كۈندە·
سەن قەلبىمنى ئەسىر قىلغان يار ،
ئۇيقۇ بەرمەي قىينايسەن تۈندە ·
كۆڭۈل دىگەن شۇنداق نەرسىمۇ ،
سۆيگەن يارنى ئۇنتالمايدىغان ،
بۇلۇپ قالدىم ئىشقىڭدا بىمار ،
تەييار ئاشنىمۇ يۇتالمايدىغان ·
دەرىت ئازاپلار تولدى يۈرەككە ،
بەرمەس جانغا ئارام ۋە شادلىق ·
سېنى ئەسلەپ سەۋدايى بولدۇم ،
كۈلۈپ بەرگىن ماڭا بىر تاتلىق ·
ئەلمىساقتىن شۇنداقمۇ جاھان ،
دەرىت ھەسرەتنى ئاشىقلار يۇتۇش·
مەشۇقلارغا قىلىنغان ھۆكۈم ،
ئاشىقلارنى دەرتتە قالدۇرۇش ·
سۈكۈتلەرگە چۆكمە ئەي دۇنيا ،
پاك سۆيگۈمنى قۇبۇل ئەتسۇن يار ·
قىيناشلىرىڭ جېنىمدىن ئۆتتى ،
دىلبىرىم ئالدىدا قىلما مىنى خار ·
سېغىنىش يۈرەكتە ئوت بۇلۇپ ياندى،
ئاھۇ زار پەريادىم يەتتى پەلەككە ·
دوزاقتۇر بۇ دۇنيا سېنىڭسىز ياشاش،
يەتكۈزگىن دىلبىرىم كۈتكەن تىلەككە ·
قۇتقازغىن دىلبىرىم ئازاپتىن تېزراق،
ياشايچۇ مەنمۇ ھەم سەن بىلەن ئىناق·
جەننەتكە باشلىسۇن ياراتقان ئىگەم ،
سۆيگۈمىز تاپسۇن كۈنسىرى روناق·
ئارزۇيۇم تىلىكىم كۈتكىنىم كەلسە ،
گۈللەرمۇ قۇرىماس يازلىرى كەتسە.
قەلبىلەر تۆرىدە جىلۋە قىپ ھايات ،
ئاشىققا مەشۇقنى بەخىش ئەتسە·
سەۋدالىق ئىلكىدە ياندىم ئوت بۇلۇپ ،
يۈرەكنى قىينىما ئەمدى جۇت بۇلۇپ ·
ھەسرەتلىك ياشلىرىم كۆزلەردە مارجان ،
ئېلىپلا كەتتىڭ سەن يۈرەكنى يۇلۇپ ·
ئاپتۇرى -ئاقسۇ شەھىرى قارتال بازىرىدىن مەمەتجان سامساق
تىلفۇن ئالاقە ئۈندىدار نۇمۇرۇم ، 15599755288
661 قېتىم كۆرۈلدى | مەمەتجان سامساق | ئەسەر يوللىغۇچى : | |
2016-8-11 1:38:23 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|