موما مەندىن رازى بولۇڭسىز

ئاپتۇرى: تۇرسۇنجان قايىم ئىقبالى

ئــەنسزگىنـە سـايرىغانـدا تېلفونۇم،
يەتتى ماڭا قورقۇنۇچلۇق شۇم خەۋەر.
بىرئاغىرىقتا يۈرەك قاتتىق مۇجۇلۇپ،
تىتىرەك باستى ۋۇجۇدۇمنى نەقەدەر.

كـۆرەلمىدىم يـۈزىڭىزنى جان موما،
خوشلاشمايلا ئايرىلدىڭىز بىزلەردىن.
جـۇدالىققا چىـدىيالماي ئاھ ئـۇرۇپ،
ھەسىرەتلىك ياش ئاقتىغۇ كۆزلەردىن.

مومكىن بولسا ياتار ئىدىم سىز بىلەن،
ئاشۇ سۈرلۇك قاپقاراڭغۇ قەبرىدە.
قايتۇرالماي ھىچ بىر جاۋاب قايغۇردۇم،
چوڭ بولغانغۇ سىز مومامنىڭ ئەجىرىدە.

مەن بىۋاپا ھەم ۋىجدانسىز ئىكەنمەن،
جېنىم موما مەنـدىن رازى بولۇڭسىز.
چىن دىلىمدىن تىلەك تىلەي ئانىجان،
جەننەتلەردە خۇش پۇراققا تۇلۇڭسىز.

2017.3.30
ئەمگىكىمگە ھۆرمەت قىلىڭ، نامسىز تارقاتماڭ!

ئاپتۇر ئۈندىدار: 1934220673