تەغدىر شۇنداق پۈتكەنمۇ (شېئىر) 

 ياسىنجان رۇزى

ئاشىق بۇلۇپ مەن ساڭا ،
مەشۇق بۇلۇپ سەن ماڭا .
ئۆتكەن ئىدۇق بىر مەھەل،
شۇنچە شىرىن ھاياتتا .

ۋەدە قىلغان سەن ماڭا ،
ئەيلىگەن مەن جان پىدا .
ئەپسۇس قارا باسقاندەك ،
بولدۇق بۈگۈن بىز جۇدا.

ئۆتمۇش بولدى سۈيۈشلەر ،
چىن ئەقىدە كۈيۈشلەر .
مۇھاببەتنىڭ بېغىدا ،
بىرگە ئويناپ كۈلۈشلەر .

سۇلدى سۆيگۈ گۈلىمىز ،
ئەرزىمەس جۇد قوينىدا.
تەغدىر شۇنداق پۈتكەنمۇ؟
بولدۇق نىچۈن بىز جۇدا.

ئاپتۇر :خېجىڭ ناھىيسىدىن