توختىغان ئەللەي ...

تۇغۇلدى بىر بوۋاق ،ياڭرىدى ئەللەي
تەمتىلەپ مىڭىشتىن چوڭ قەدەم ئالدى ،
چوڭ بولدى ياشىدى كۆردىلەر كۆپنى ،
ھالا بىركۈن تۇپراق ئۇنى قوينىغا ئالدى ....

تۇغۇلسا بىر بوۋاق ياڭرىتىپ ئەللەي ،
بولغاي ئۇ جاھاندا بەخىتلىك ئىنسان .
چۇنكى شۇ ياڭرىغان ئەللەيلەر توختاپ
قېتىلار رەھىمسىز تۇرمۇشقا ئىنسان .....

تۇغۇلغان بىر بوۋاق ياڭرىتىپ ئەللەي ،
تۆت كۈنلۈك جاھانغا پاتماي ياشىدى .
ئويلىماس ماماتنى بەلكىم ھىچ كىشى ،
بىر بوۋاق تۇغۇلدى ،ياشىدى ،كۆردى ھەم كەتتى !

             دىلنۇر يازمىسى
                 2017-1-11
ئۆلۈمدۇر ئاخىرقى قىسمەت

بۇھايات ئۇزۇنمۇ ۋايساپ ئۆتكۈدەك
قايغۇغا بۆلىنىپ ،ئازاب يۇتقۇدەك ،
پۇتكەننى كۆرمىگەن كىم بار ئىيتقىنا ؟
تەغدىرنىڭ ئالدىدا مەيدە كەرگۈدەك !

كىم باركەن تەغدىرنى قايتا يازغۇدەك ؟
پۈتمىگەن قىسمەتنى كولاپ قازغۇدەك ؟
كىم باركەن تۇغۇلۇپ ئۆلمەي ئۆتكۈدەك
رەببىمدىن بىسوراق قىل تەۋرەتكۈدەك .

ئالغان ھەر نەپەستىن ھەر قەدەمگىچە ،
كەلگەن ھەر تەلەيدىن دەرت ئەلەمگىچە ،
بارىدىن يوققىچە ،كۈن ھەم تۈنگۈچە .
ھەممىنى پەقەت بىر رەببىم بىلگۈدەك !
خۇلاسە ،ھامىنى ئىنسان ئۆلگۈدەك ......
             دىلنۇر يازمىسى
                 2017-1-11      

     

 مۇھەرىر : ئابدۇقەييۇمجان ئابدۇسادىرى 

ئۈندىدار : 2041420589