سىغىندىم 

مەردانجان ئابدۇرەشىد

سىغىندىم چىۋىقنى ئات قىپ مىنگەننى،
سىغىندىم تام سەكرەپ غورا يىگەننى .
ھەممىگە مىھرىلىك ئەي ئانا دەريا
سىغىندىم دۇم يىتىپ سۇيۇڭ ئىچكەننى .

سىغىندىم قوي باققان ئىتىز قىرلارنى ،
سىغىندىم قارامتۇل پەرى قىزلارنى .
قارايمەن ئۇپۇققا ئۇزاقتىن ،بوۋا  ،
سىغىندىم تاپالماي ماڭغان ئىزلارنى  .

سىغىندىم ئوستەڭنى ،كەچكەن ئىرىقنى ،
سىغىندىم قوناقنى بۇغداي تىرىقنى .
بىغۇبار بالىلار  مىھرى مۇجەسسەم،
سىغىندىم بوۋامغا بەرگەن تىزىقنى .

سىغىندىن سۇڭگۇچتىن كىرگەن باغلارنى ،
سىغىندىم ئۇپۇققا تەڭداش تاغلارنى .
ئەسلىمەم سەرسانە يۇرىمەن ئىزدەپ ،
سىغىندىم ئوتمىشىم كەچكەن چاغلارنى .

سىغىندىم ئانامنىڭ مۇڭلۇق كۇيىنى ،
سىغىندىم يۇرتۇمنىڭ زەم-زەم سۇيىنى .
كىلىشكەن چىرايلار ،مىھىرسىز يۇرەك،
سىغىندىم بوۋامنىڭ قورۇق يۇزىنى .

سىغىندىم شورلاشقان تۇزلۇق كوزىنى،
سىغىندىم مومامنىڭ زەيلىك ئۆيىنى .
بىنالار ئىگىزلەپ، كۆڭۇللەر پەسلەپ،
سىغىندىم،توپىلىقتا يىگىت تويىنى .

سىغىندىم ۋاشاڭلاپ ئۇزگەن سويمىنى ،
سىغىندىم قۇشلارنى، قويغان ئۇۋىنى .
كوڭۇللەر مىھىرسىز ئويلەر ئازادە ،
سىغىندىم تۇگمەننى،مەينەت جۇۋىنى .

سىغىندىم پىلىلداپ كويگەن چىراقنى ،
سىغىندىم كورۇمسىز كەيگەن چورۇقنى .
«مىزىلىك»پۇراقتىن كوڭۇللەر خامۇش ،
سىغىندىم مىھنەتتىن چىققان پۇراقنى  .

سىغىندىم بوۋامنىڭ ماڭغان يولىنى ،
    سىغىندىم مومامنىڭ مۇڭلۇق كوزىنى .
پاختىدەك قوللاردا تۇرار ئالۋاستى ،
سىغىندىم دادامنىڭ قاداق قولىنى .

سىغىندىم مىھىرلىك سىغىز ئۇپىنى ،
سىغىندىم يۇرتۇمنىڭ غورگۇل كۇنىنى .
نەمۇقام نە سازلار كەتكەن ئارلىشىپ ،
سىغىندىم ئانامنىڭ ئەللەي ئۇنىنى  .

سىغىندىم يىشىللىق، ئىس تۇتەك جاھان،
سىغىندىم جاڭگالنى ئۇزگەنمەن كامان .
خۇشاللىق قىممەتكەن رەڭدار شەھەردە،
سىغىندىم قىشلاقنى ئوتكەچ شادىمان .

سىغىندىم يايرىمنى قىنىپ سۆيۇشنى،
سىغىندىم سەھرادا قىنىپ كۇلۇشنى.
سەھراھىي قىيامەت دەيدۇ بەزىلەر ،
سىغىندىم جاپادا خۇشال ئۆلۇشنى .

سىغىندىم بىلىقتەك ئۇزگەن كۆللەرنى ،
سىغىندىم گىياھسىز چاڭقاق چوللەرنى .
ماشىنا شاۋقۇنى ھەممە جان بىزار،
سىغىندىم ئات مىنگەن جىمجىت دوڭلەرنى .

سىغىندىم كالىنى  ، ئىشەك ھارۋىنى ،
سىغىندىم ئورمىنى، ئورغاق ئارىنى .
نىھمەتلەر مولاشقان ، داستىخان ئالدىدا،
سىنغىندىم قىينىلىپ يۇتكەن زاغرىنى .

سىغىندىم بالامغا قاراپ ئال باشنى،
سىغىندىم سوزماقنى، ئارقان ئاتلاشنى .
ۋاللەي توۋلاش، بالچۇق ھەم، يەنە  پاخپاق ،
سىغىندىم تالاشتا يىگەن كوكباشنى .

سىغىندىم مەشرەپتە يانغان چوغلارنى ،
سىغىندىم يايلاقتائۆسكەن ئوتلارنى .
ئەتراپتا قاڭسىق ئىس ،كوزلەر ياشاڭغۇ ،
سىغىندىم شامالدا ئۇچقان توپىلارنى .

2016.7.19 ئۇرۇمچى