راۋاج تاپسۇن ئانا تىل
(دۇنيا ئانا تىل بايرىمىغا بېغىشلاپ)

تاجىنىسا نەمەت

ئانا تىلىم - ئۇيغۇرنىڭ تىلى،
دۇر-پاساھەت تۆكۈلۈپ تۇرغان .
كىملىكىمنى قىلىپ نامايان ،
قامۇس-"دىۋان" پۈتۈلۈپ تۇرغان .
شۇ گۈزەل تىل بايلىقىم بولغاچ،
بوپ قالماسمەن ھەرگىز بىزۇۋان .


باقسام ئەپۇس ، ئەتراپقا تەھقىق،
ئۆزلەشتۈرمە ئىبارىلەر جىق .
تۇرۇپ ئويلاپ ، ھەيران بولىمەن ،
بوپكەتتۇقمۇ ئۆز تىلغا پىخسىق .
تۇرسا گۈزەل ئانا تىلىمىز ،
"ئىسلاھ" قىلىپ يۈرسەك نە قىلىق ؟؟ ...

چوڭ قوشۇلۇش دەۋرىدۇر بۈگۈن،
كۆپ خىل تىلنى ئۈگەنمەي بولماس .
كۆپ تىل بىلىش شەرەپلىك، ئەمما -
ئانا تىلدىن چەتنىسەك بولماس .
ئۇيغۇر تۇرۇپ ئۇيغۇرچە بىلمەي ،
بوپ قالمايلى ، "مۆڭ" قەغەز يولۋاس .

ئانا تىلنى قوغداش كېرەك ! دەپ ،
يەر شارىدا قوزغالدى غەليان .
سۆزلىسەممەن ئۇيغۇر تىلىدا ،
خۇش بۇلبۇلدەك چىقتى بۇ زۇۋان .
ئىشلىتىلىپ راۋاج تاپسۇن تىل ،
ئۇيغۇر تىلىدا كۆتۈردۈم چۇقان !