تىلەكلىرىم

روشەنگۈل  مۇھەممەد (مودەن)

تىلەكلىرىم كۈۋەجەيدۇ دېڭىزدەك،
ئارام بەرمەي پىچىرلايدۇ ئىچىمدە.
خىياللىرىم بوي بېرەيمۇ دېمەيدۇ،
ئۇيقۇ كەلمەس جىمجىت مۇشۇ  كېچىدە .

ئەنسىز سېلىپ بۇ يۈرىكىم سىرقىراپ ،
خىياللىرىم كەتتى قاياق پېتىراپ .
بىر سېغىنىش چىللاپ كەپتۇ دىدارنى،
ئارزۇلىرىم بۈگۈن قاپتۇ ئېچىرقاپ .

سېغىنىشتىن زېمىن سەھەر  يىغلايدۇ،
ئارمانلىرىم قامچىلايدۇ پىغاننى.
دىدارىڭغا تەققاس بولدى نۇر قۇياش ،
مېھرىڭ بىلەن يورۇتساڭ بىر جاھاننى!

مۇھەررىر: مۇھەممەدتوختى سەببەت