قىينىما
( غەزەل )
تۇرسۇن ئىمىن شەيدائى
( شىنجاڭ يازغۇچىلار جەمئىيىتىنىڭ ئەزاسى )
پىراقىڭدا جاننى ئۆرتەپ ئەي قەلەمقاش قىينىما ،
يۈرىكىمگە كۆزلىرىمدىن ئاققۇزۇپ ياش قىينىما.
زارىقىپ ۋەسلىڭگە بۇتاپ تاقىتىم تاق بولدى يار ،
قارا ھىجران چۆللىرىدە سەن ئېتىپ تاش قىينىما.
تۈنلىرى يۇلتۇز ساناپ چولپاننى ئويغاتتىم سەھەر ،
پاتتى مەغرىپكە قۇياشمۇ پۈتتى بەرداش قىينىما.
مەن ئىشىق كويىدا سەرسان (توۋۋا ،پەرۋايىڭ پەلەك ) ،
دەستىدە ھەسرەت ئازاپنىڭ ئەگدۈرۈپ باش قىينىما .
دائىما ئىزدەپ ۋىسالىڭ ،تاپمىدىم ئەسلا ئارام ،
ئاھ،كۆيۈك تەپتىدە باغرىم بولدى ئوتقاش قىينىما.
شەيدالىقتا بارلىغىمنى ئۇنتۇساممۇ دىلرەبا ،
يەتمىدىڭ ھالىمغا ئەسلا قىيغىتىپ شاش قىينىما .
ئاسرىماق ئاشىقنى بىلسەڭ ئەھلى ۋىجدان بۇرچىدۇر ،
ئەيلە ئىزھار چىن سۆزۈڭ:سىناشمۇ،قىيناش؟ ،قىينىما.
2017.23فېۋرال
5226 قېتىم كۆرۈلدى | xeydayi | ئەسەر يوللىغۇچى : | |
2017-4-5 19:13:56 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|