يەتتىمغۇ قەدرىڭگە

مەردان ئەنۋەر

‏‏بالام دەپ ياشاشنى باشلىغان چاغدا،

 ‏ئەسلىدىم تارىخنى ، يۈرىكىم داغدا.

 ‏بىلمىدىم ئەجەپمۇ قىينىدى ھەسرەت،

 ‏يەتتىمغۇ شۇندىلا قەدرىڭگە دادا .

‏ ‏ئۇخلىماي تەۋرەتكەن بۆشۈكنى ئانا،

 ‏بەزلەيتتى سۈت بېرىپ يىغلىسام مانا .

‏بىلگەندە ئانىنىڭ كۆڭۈل سۆزىنى،

 ‏يەتتىمغۇ شۇندىلا قەدرىڭگە ئانا .

‏ ‏قايتۇرماي تۇرۇپلا ئەجىرلىرىڭنى،

 ‏دادامنىڭ كەينىدىن كەتتىغۇ ئانا.

 ‏باش قويۇپ يىغلىدىم قەبرىلىرىڭگە،

 ‏يىگانە دۇنيادىن كەلمىدى سادا.

 ‏مەردان