بۈگۈن سەنسىز يەتتىنچى كۈنۈم
مۇھەممەتجان ئەخەت (پېقىر)
مەن ھۇجرامدا
...
چىرايىمدەك ئىپادىسىز
جانسىز تامدا
ياغاچ سائەت قوپال چىكىلدايدۇ.
مىنى قورشىغان...
كەيىپ ئادەمنىڭ قولاشمىغان گېپىدەك،
ئەبجەش تۇيغۇدىن ئويغاتماق بولۇپ.
...
ئەمما مەن ئويغانمايمەن،
ئويغىنالمايمەن،
ئويغانغۇممۇ يوق.
چۈنكى
مىنى قورشاپ بولۇپ،
ئۆزىمۇ ماڭا ئوخشاپ قالغان.
ھېلىقى
ئەبگار تۇيغۇ كىتىشكە ئۇنىماي،
ئەسكى تېنىمدەك تۇرار سۆرۈلۈپ.
بەلكىم كىلىشىڭنى تۇيغاندۇ،
يا
ئۆزىنى شۇنداق بەزلەۋاتقاندۇ
...
چوڭلارنىڭ دىيىشچە
قۇشقاچ يىغلىسا ئۆلەرمىش،
ئادەم نانمۇ يىمەي سۇمۇ ئىچمىسە،
ئاران يەتتە كۈنلا ھايات يۈرەرمىش.
...
ئاپلا
تۇيغۇم ئېزىپ قېلىپ،
شۇ مۇدىھىش گەپلەرنى ئاڭلىۋېلىپ.
...
ياغاچ سائەت قوپال چىكىلدىماقتا...
مىڭ بىر جاپادا ئاخىر كەچ بولدى،
يەنە چاقىرىشقا يىتەرمۇ ئۈنۈم...
...
بۈگۈن سەنسىز يەتتىنچى كۈنۈم .
12016-يىلى 1-ئۆكتەبىر (شەنبە) ئۈرۈمچى
158 قېتىم كۆرۈلدى | pekir | ئەسەر يوللىغۇچى : | |
2016-10-6 22:24:57 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|