دېھقاننى كۆرگەندە سالام قىپ قوي

ياسىنجان  كۈسەنى

 دېھقاننىڭ دەستىدىن ياشنار ئېتىز-قىر،
  قاراپ باق ھەممىسى دېھقان مېھنىتى.
 قورساقلار توق بولدى،گاللار ياغلاشتى،
  ھەممىسى جاپاكەش دېھقان ھىممىتى.

 بولمىسا جاپاكەش دېھقان تاغىمىز،
 ئۈچ ۋاخقا يەمتۇق بىز، كۈندە شېخل-تاش.
  جاپاكەش دېھقاننىڭ مېھنىتى بىلەن،
 قازانلار مايلاشتى بولدى بىزگە ئاش.

 دېھقاننى كۆرگەندە سالاملار قىپ قوي،
 ھۆرمەتكە سازاۋەر بىر ئولۇغ ئىنسان.
 ئېگىلىپ تۇرسىمۇ قەددى-قامىتى،
  ھەممىگە سالام دەپ ئۆتمەكتە پىنھان.