دەردىڭدە (ناخشا تېكىستى)

جامالىدىن يۈسۈپ يانار

بايان ئەيلەي يارىم ، ساڭا ئەرزىمنى،
بىچارە مەن ھالىم خاراب دەردىڭدە.
سەندىن ئۆزگە كىمگە ئېيتاي ، دەردىمنى،
يارىيار دەپ ئۆلەر بولدۇم دەردىڭدە.

مەجنۇن كەبى ساڭا كۆيۈپ يۈرەرمەن،
بىلەلمىدىم ۋەسلىڭ ، قاچان يېتەرمەن.
ھەسرەت چەكتىم پىراقىڭدا ھىجراندا ،
قانلار يۈتۈپ ئۆتەر بولدۇم دەردىڭدە.

سېنى ساقلاپ قاچانغىچە كۈتەرمەن،
سۆيەلمىسەڭ كۆزلىرىڭدىن يۈتەرمەن.
شەھەرىڭدىن باشىم ئېلىپ كېتەرمەن،
ئۆزگە يارنى سۆيەر بولدۇم دەردىڭدا.