ئامالسىز كۆڭۈل
(ئابابەكرى ئىزگۈ )

دوست بۇرادەر كۆڭلىنى ئاياپ ،
يالتايدىمغۇ ھەقنىڭ يۇلىدىن .
ئۆزگىلەرگە ئۆزۈمنى ئاتاپ ،
ھەتتا قايتتىم ئارزۇ يۇلۇمدىن .

كۈنلەر ئۆتتى چۈشكۈن ئىچرە ،
ھەم كۆرەلمەي ئۈمىد نۇرىنى .
گۇناھۋازلىققا باغلىغاچ گىرە،
ئۇنتۇپ كەتتىم ئاتام سۆزىنى .

ئەمدى مەندە يۇقالدى ۋىجدان ،
ئادەملىكتە ھەم يوق بىر ئىزنا .
ھاياتىم گۈلشىنى ئايلاندى خازان،
بوينۇمدا بولغاچ گۇناھتىن سرتما.

ھەممىنىڭ سەۋەبى گۇناھكار كۆڭۈل ،
ئايىغاچ يېقىن دەپ مەرەز كۆڭۈلنى .
ئۇ كۆڭۈل يات ئىدى ۋاپادىن تۈگۈل ،
قانداق رەت قىلاي ئۇشبۇ كۆڭۈلنى .

2016-يىلى 13-سنتەبىر      
ئۈرۈمچى