خىيالچان تىلەك
  -ئابلىكىم ئابلەت (ئەرتۈرك )

بۇلۇتلار دەردىنى تۆكتى دىڭىزغا ،
يۇتقاچقا ئىچىگە پۈتمەس ئەلەمنى .
تەقدىرىم ئۈستىدە ئويلىنىپ ئ‍اخىر ،
يەنىلا  قولۇمغا  ئ‍الدىم  قەلەمنى .
         *          *
ماڭدىم مەن نشانسىز يوللار ناتونۇش ،
چىلىقتى كۆزۈمگە  كۆمۈلگەن  ئ‍ىزلار .
ئ‍اڭلاندى  يىراقتىن تونۇش  بىر سادا ،
دات باسقان قەلىبتىن چىققان ئاھۇ زار .
         *          *  
شۇ سەۋەپ خىيالغا پاتتىم مەن ئۇزاق ،
ئۇپۇققا  تۇتاشقان  كەچمىش  ئىچىدە  .
قەلبىمدە  بىر  تۇيغۇ  سۈرىدۇ  ھۆكۈم ،
شۇ سىرداش ھەمرايىم زۇلمەت كىچىدە .
         *          *  
بارغانچە ئۆزۈمدىن كەتتىم يىراقلاپ ،
يىغلايدۇ  بۇلۇڭدا  غىرىپ بىر  ئارمان .
كەتكىنى كەتتىلەر ئ‍ەمدى بولدى بەس ،
تىرشسام  ئارزۇغا  يىتىمەن  ھامان ...
         27-11-2016