سەن ئالدىمدا دائىم تاتلىق كۈل
تۇرسۇن ئىمىن شەيدائى
سەن ئالدىمدا دائىم تاتلىق كۈل ،
بىلىنىسەن شۈنچە سۆيۈملۈك .
مېنىڭ ھالىم بولمايدۇ مۈشكۈل ،
ۋىسال پەيتى ئۆتۈپ كۆڭۈللۈك .
قاپىغىڭدىن ياغدۇرمىغىن قار ،
بۇنداق ئىشنى ئەسلا كۆرگۈم يوق .
گۈل چېھرىڭدە نۇرلانسا باھار ،
بولار ئۆمۈر مەنزىلىم يورۇق .
ئۆمۈر قىسقا ،قىممەتلىك ھايات ،
بېرەر ئاڭا مۇھەببەت مەنا .
سېنىڭ ئىشقىڭ روھىمغا قانات ،
كۈلۈپ سۆيگىن ئايانماي رەنا !
نىگاھىڭدىن بالقىسۇن قۇياش ،
ۋۇجۇدۇمغا بېغىشلاپ ئاپتاپ .
ئاتا قىلغىن مېھىر ۋە ئاياش ،
كەتسۇن مىسكىن يۈرىگىم ياشناپ .
سەن ئالدىمدا دائىم تاتلىق كۈل ،
چاڭقاق سۆيگۈم تاپسۇن قانائەت .
لەۋلىرىڭدىن ئېچىلدۇرۇپ گۈل ،
بەخىش ئەتكىن بەخت -پاراغەت .
ئاپتور :بورتالا شەھەرلىك رادىئو -تېلىۋېزىيە ئىستانسىسىدىن
شىنجاڭ يازغۇچىلار جەمئىيىتىنىڭ ئەزاسى
2985 قېتىم كۆرۈلدى | xeydayi | ئەسەر يوللىغۇچى : | |
2017-4-14 20:36:53 | :يوللانغان ۋاقتى |
بۇ تېمىغا تېخى ئىنكاس يېزىلماپتۇ
تور بىكىتىمىزدىكى ئەسەرلەرنىڭ ئىشلىتىش ھوقۇقى تور بىكىتىمىزگە ۋە ئاپتورغا تەۋە بولۇپ، قالايمىقان كۆچۈرۈپ تارقاتقۇچىلارنىڭ مەسئۇلىيتى قاتتىق سۈرۈشتە قىلىنىدۇ. ئەمگىكىمىزگە ھۆرمەت قىلىڭ! باشقىلارنىڭ ئەمگىكىنى قەدىرلەش گۈزەل ئەخلاقتۇر!!!! بىكەت مەسئۇلى: نۇرمۇھەممەت ئالاقە تېلېفۇن - ئۈندىدار: 18999843588
www.yazghuqilar.com
新ICP备15002323号
|