سىز مېنىڭ بەختىم
ئايگۈزەل مەمەتنىياز

ئەيمىنىش ئىلكىدە تۇتۇپقولۇمنى،
يېتىلەپ ماڭدىڭىز بەخت يولىنى.
تىنماستىن پىچىرلار سۆيۈنۈپ يۈرەك،
بەختىڭدۇرئۇسېنىڭ، بىلىشىڭ كېرەك.

بەختنىڭ شۇ داغدام يوللىرىدا بىز،
ھەمدەمدۇر يۈرەكتىن سۆيگەن يارىمىز.
تىلىكىم، ساقلىسۇن يامان كۆزلەردىن،
بىزلەرگە بۇ ئوتنى سالغان ئىگىمىز.

سىز بىلەن ئۆتكىنى ئەڭ خۇشال ۋاقتىم،
خۇشاللىق ئىلكىدە يايرايدۇ قەلبىم.
گەر بىلمەك بولسىڭىز كۆڭۈل سىرىمنى،
بىرلا سۆز ئاشىقىم، سىز مېنىڭ بەختىم.