بەرسەم دەيمەن يۈرۈكۈمنى دادامغا

ئابدۇمىجىت ئىمام غۇلجا

تۇيدۇرمايلا چاپلىشىپتۇ بىر نىجىس،

ئايلاندۇرۇپ جان دادامنى بىمارغا.

دىئاگنۇز قويدى دوختۇر يۈرەك دەپ،

بەرسەم دەيمەن يۈرۈكۈمنى دادامغا.

 ھاردۇق يەتكەن چېغى دەپتۇق بىلمەستىن ،

بەش بالىنى قوشۇپ مانا قاتارغا.   

   بوغۇلغاندا ھەربىر ئەركىن نەپەسلەر،

 بەرسەم دەيمەن يۈرۈكۈمنى دادامغا.

 قىزارتقاندەك جۇت كۆزىنى شۇم پەلەك ، 

بىر جۇدالىق يۈكلىمەكچى ئانامغا. 

قول قشتۇرۇپ تۇرۇش بەكمۇ قېيىنكەن،

بەرسەم دەيمە يۈرۈكۈمنى دادامغا. 

ياشلغىدا ئەجىرقىلىپ ئوتتۇز يىل، 

پىنسىيىگە چىققىنىدا-ئارامغا. 

  خىتاپ قىلار تومۇردىكى قېنىممۇ،

بەرسەم دەيمەن يۈرۈكۈمنى دادامغا.

شىپاسىنى تىلەپ پەقەت ئاللاھدىن ،

يۈكۈنىمەن قول كۆتۈرۈپ دۇئاغا. 

 دىدىم دوختۇر بولسا ئەگەرچارىسى ، 

  بەرسەم دەيمەن يۈرۈكۈمنى دادامغا  .

(ئاللاھ دادىڭىزنىڭ كىسىلىگە شىپالىق بەرسۇن! ھەممە ئاتىلارنى سالامەت قىلسۇن!...)