يەنە شۇنداق قىزلار بار
- ئابدۇسالام ئابدۇللا بۆرتېكىن

ئىپپەت ئۈچۈن نۇزۇگۇمدەك پىدا قىلغان جانىنى،
ھالال يارى，جۈپتى ئۈچۈن ئاتاپ ھەتتا بارىنى،
تەڭ قىلمغان ھىچ نەرسىگە نۇمۇس -ئپپەت，ئارىنى،
ئەركەكلەردەك ياشاپ كەلگەن بىلىندۈرمەي زارىنى،
بىزلەر چىقىپ قوغدايدىغا يەنە شۇنداق قىزلار بار .

مىڭ خىل گۈلدە مىڭ خىل چىچىەك مىڭ پۇراق،
ھەر خىل ئادەم ئاپىرىدە ئۆز قويندا ئانا تۇپراق،
چىرايلىرى ئوخشاش قەلىبلىرى ئوخشماس بىراق،
ھەممە ئوخشىماس ھەممىگە بەرمەڭ بىر تاياق،
سۆيگۈ بېرىپ ئاسرايدىغان يەنە شۇنداق قىزلار بار .

قىزلاردۇر مىللەتنىڭ كەلگۈسى ئانىسى，تاجى،
ئۇلارسىز كۆكلىمەس قەۋىم，چاقنىماس ئايى،
ئىپپەت سېتىپ كەيىپتىن سۇلمسۇن گۈلدەك چىرايى،
ئەزمسۇن يۈرەكنى ئۇلارنىڭ ئاھ ئۇرۇپ قىلغان نىداى،
ئاسراشقا لايىق ناتىۋان يەنە شۇنداق قىزلار بار .