سۆزۈڭ ئەمەس ئۆزۈڭگە زارمەن

ئېلىجان ئابدۇكېرەم (بارچۇق ئوغلى)

سەنمۇ مېنى ئەسلەپ تۇرامسەن،
سېغىنغاچقا تېلېفون ئۇرامسەن.
«ياخشى كۆردۈم» دېگىنىڭ بىلەن،
مېنى يارىم ئالداپ قويامسەن.

بىلەمسەنكى ياخشى كۆرۈشنى،
بىللە يىغلاپ-بىللە كۈلۈشنى.
جامالىڭنى كۆرسەتكىن ماڭا،
خالىمايمەن سەنسىز ئۆتۈشنى.

بۇ دۇنياغا مۇھەببەت كېرەك،
مۇھەببەتكە ساداقەت كېرەك.
سېغىنغاندا بۇلالمىساق جەم،
ئەنسىز سۇقار تەنلەردە يۈرەك.

ئەي نىگارىم سېغىنىپ ياتما،
مەن سېغىندىم مېنى ساقلاتما.
سۆزۈڭ ئەمەس ئۆزۈڭگە زارمەن،
مۇھەببەتنى تېلېفونغا چاتما.

2017,,3,,10,,